Zakereen.info

Text of Mein Hussain Hoon,in Lisan-ud-Dawat. ( SEE ATTACHMENT)
Source : Zakereen Group.

English ----

Main Hussain hu, Woh Hussain hu.
Main Nabi ke dil ka suroor hu, Main Hussain hu, Woh Hussain hu.
Main Ali ki aakhon ka noor hu, Main Hussain hu, Woh Hussain hu.
Meri Maa ka naam hai Fatema,
Hai Abbas Bhai Hasan mera
Hai Zainab-o-Kulsum do Bahan
Mere saath sath hai khastatan , Main Hussain hu, Woh Hussain hu.

Mujhe naaz tha mere bhai par,
woh kataye haathon tarayi par,
meri tod kar woh kamar gaya
Mujhe chod tanha chala gaya
Rahe pyase ahle-haram mere
Woh jahan se tashna hi lab gaya, Main Hussain hu, Woh Hussain hu.

The Zainab ke dono ladle
Gaye run mein sheh se raza liye
Kai dushmane di ko Fanah kiye
Dono Zakhmo ki taab na laa sake
Dil thaam ke sheh aaye laashe per
Hue kurbaan Mamu-jaan per , Main Hussain hu, Woh Hussain hu.

Yaha laashe pe laashe aate hai
Aise waqt mein shaadi rachate hai
Abdullah dulha bana hua
Use teron se chalni kar diya
Waha dulha tarapta reh gaya
Yaha Kohraam ghar mein mach gaya, Main Hussain hu, Woh Hussain hu.

Main pisar ki maut pe ro chuka
Main noor aakhon ka kho chuka
Wo jigar per barchi ka phal gaya
Main dil ko thaam ke reh gaya
Jo asa tha meri Zaifi ka
Jo Kaza ki god mein ja basa. Main Hussain hu, Woh Hussain hu.

Mera ek nanha sa mehlaka
Abhi guthniyo woh chala na tha
Ek teer halq pe chal gaya
Wo sageer hathon pe dhal gaya
Us ban mein choti si ek mazaar
Main bana ke aaya hu dil figaar. Main Hussain hu, Woh Hussain hu.

Mujhe aur kitna sataonge
Mera khoon kitna bahaonge
Mein akela hoon tum kai hazaar
Mera Jism teron se hai Figaar
Main laashe kitni utha chuka
Main aziz apne gawah chuka Main Hussain hu, Woh Hussain hu.

Hai kareeb asr ki who Ghadi
Woh aakhri meri bandagi
Jo hua tha waada kiya ada,
Mera sar sajde mein ho juda
Meri lash pe gore doudayenge
Mera sar neze pe charahyenge Main Hussain hu, Woh Hussain hu.

Meri who dua-en Asul ho
Mera hadiyah Moula kabool ho
Hai sharikh apni ye aarzu
Main dar-e-husain pe sar nigu
Aur saath ho moula burhanedi
Ho lab pe Moula ke bas yahi
Ya Hussain hussain, Ya hussain hussain